- 100 -

1333. Juni 23. Liegnitz.

Herzog Boleslaus bestätigt die Abtretung von 2 Mark jährl. Einkünfte von Gütern in Eicholz an Conrad, den Pleban der liegnitzer St. Peterskirche, von Seiten der Gebrüder Mazcey, Andreas und Jekelinus, genannt von Eichholz.

In nomine domini amen. Que in primorum conspectu peraguntur, vt valeant perhennari, condecens est, legetacione litterarum et aminiculo fidorum testium roborari. Hinc est, quod Bolezlaus dei gracia dux Slesie et dominus Legniczensis ad vniuersorum, tam presenciuin quam futurorum, noticiam perpetuam per presentes volumus deuenire, quod con tituti in nostra presencia fideles nostri Mazcey, Andreas, Jekelinus, fratres dicti de Eycholcz, in bona valitudine corporum et animorum, diligenti deliberacione prehabita, non per errorem decepti, sed ex certa sciencia suorum amicorum, sano consilio, rite et racionabiliter vendiderunt et juste vendicionis titulo tradiderunt censum duarum marcarum vsualis ponderis de ortis in villa Eycholcz, nostri Legniczensis districtus, quarum marcarum vnam marcam super ortos, quos ortulani, videlicet Adam-Cunradus nunc colunt et possident, domino Cunrado plebano ecclesie sancti Petri in Legnicz, canonico Wratiszlauiensi, suis vicariis et successoribus, qui pro tempore fuerint, ibidem nomine ecclesie, ipsi ementi et recipienti, pro se et suis vicarijs, quam marcam census predictus dominus Cunradus et vicarij ejus, nomine veri testamenti, de pecunia relicte Kunegundis, Helmboldi quondam advocati Legniczensis, comparauerunt. Aliam vero marcam de ortis ibidem in Eycholcz, quos possident et colunt ortulani, Cunradus Nugeman, dans octauum medium scotum, Cunradus ejus vicarius quintum medium scotum, Peszcoldus medium fertonem, Jono medium fertonem, relicta Goltmanni vnum fertonem, quam marcam dominus Nicolaus Colneri altarista dicte ecclesie sancti Petri, suis proprijs denarijs comparauit, quas marcas census nomine testamenti comparatas, predicti, plebanus vnam marcam, aliam vero marcam vicarii ecclesie iam dicte debent de censu predictorum ortorum ante omnia percipere et tollere in festo sancti Michaelis singulis annis perpetue et in vsus suos conuertere, donec alibi seu in locis aliis certis, et predictis viris aptis et conuenientibus duarum marcarum census alius et perpetuus nomine predicte ecclesie comparetur, obligantes se sponte et libere ad predictum solutionis et percepcionis censum sine dolo et omni fraude remota ex certa sciencia, quod si dictus census in toto vel in parte, ex causa quacunque vel euentu fortassis deperiret in ortis prescriptis, extunc predicti de Eycholcz et successores eorum, qui pro tempore fuerint, hujus census defectum in bonis ipsorum in villa Eycholcz tenentur adimplere et pro viribus ipsorum prefatos viros in eodem censu promouere et in nullo aliquatenus per eos vel alios oculte vel manifeste, directe vel indirecte impedire. In hijs omnibus et singulis exequendis subjecerunt se, successores suos, nomine ipsorum et ortulanos dictorum ortorum, qui pro tempore fuerint, jurisdiccioni ecclesiastice, per quam ad predicta et singula tenenda sine contradiccione qualibet eos coartari et compelii, renunciantes coram nobis omnibus excepcionibus, juribus, tam spirituali quam seculari, per que dictorum vendicio valeat et possit calumpniari vel aliquomodo retardiri. Nos vero ob salutem anime nostre nostrorumque progenitorum hanc vendicionem seu empcionem nomine testamenti ratam et gratam habentes ex nostra gracia ducali predictas duas marcas census, vt superius habitum, damus, concedimus, porrigimus predictis viris perpetue nomine ecclesie sepe dicte valituras. In cujus rei testimonium presentibus nostrum sigillum est appensum, datum Legnicz, feria tercia ante festum sancti Johannis baptiste, anno domini M°C°C°C° tricentesimo tercio, presentibus nostris fidelibus Henrico Raspe, Gawino Abscacz militibus, Johanne Rymberg, Henkone Petirswalde, Cunado Prokotindorf, Nicolao Crodini et Gerlaco nostre curie notario, qui presencia habuit in commisso.

O. d. St. L. No. 41, Siegel und Schnüre fehlen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866